【叱咤】陈柏宇得男歌手银奖　唔介意冇野心：I have everything

陈柏宇做完人夫之后，成绩都唔错，算系人生另一个高峰阶段，对于35岁嘅佢嚟讲，真系唔错吖！今次佢喺903得到男歌手银奖。向来好真嘅佢，喺台上讲一番好独特嘅得奖感言。

佢一上台就话：“同事叫我唔好上到台表现到好唔在意咁，喊又唔得！其实我系在乎嘅，我唔系在乎我攞唔攞到个奖，系在乎我哋冇奖攞嘅时候，能唔能够继续享受工作，其实系享受到嘅，你问我点解陈柏宇好似冇咩野心咁嘅？好似永远都唔需要成功，失败又唔系好介意嘅？”之后就讲一连串英文，意思大约系：“点解我要做到好成功？但系我已拥有了一切，而且都系我想要嘅嘢，系呢一刻。”外语讲得奖感言系型啲，所以又系好多人拍手。不过最爆都系佢话：“我有一个好靓嘅老婆啰，今日我戴咗戒指㗎。”