Kolor改编《好心分手》变Metal版 网民恶搞：做乜咁大怨气？
撰文： 黄浩晋
出版：更新：
乐队Kolor近日推出歌曲《好心分手之做乜分手》，将原来唱出女生失恋伤感的《好心分手》改编成Metal版。原曲中悲凄的弦乐、钢琴通通拿掉，换上重型愤怒的guitar riff，再加上主音Sammy声嘶力竭的唱腔，将《好心分手》改得面目全非。有网民留言：“到底Sammy听咗几多次佢老婆喺屋企唱好心分手，先可以唱到好似佢咁大怨念？”
Metal版《好心分手》MV今日出炉，画面主调变成黑白色，四个大只Rock友眼神凶狠望住镜头，为咩事咁大怨气去翻唱呢？原来因为卢巧音将于12月开骚，将会有几个音乐单位翻Candy的名作。Kolor的结他手罗斌接受访问表示：“Candy喺12月开骚，所以有几个音乐单位合作cover Candy嘅歌。反正都玩就玩尽啲，所以就拣咗《好心分手》呢只歌。”
将流行曲改编成Metal版会否难度很大？罗宾形容这次改编是手到拿来：“其实对我哋嚟讲可以话系手到拿来，因为我哋几个都好钟意Metal嘢，所以用咗一晚时间就完成咗今次嘅改编。”
个MV拍到咁型， 睇得出Kolor同幕后制作人员都落足心机！(MV截图)
+4
有传闻指，《好心分手》一曲是02年卢巧音与余文乐分手后，凭歌寄意向对方表心声，而黄伟文填词亦从女生角度出发，如“下半生陪住你，怀疑快乐也不多，没有心别再拖”等等歌词都讲出不少女生的心声。
点都好，卢巧音12月开骚系喜事，相信不少乐迷都好期待。事关对上一次Candy于香港开骚已是08年的事，加上Candy又透露过会推出新歌，各位乐迷系时做足准备扑飞喇！
听完Kolor嘅Metal版，再听番原版，大家钟意边个多啲呢？