黄凯芹想唱红馆冇得唱　前辈吕珊：一年前申请都未必得

除了连珠爆发回应“冇人识”事件，及宣传新碟外，黄凯芹日前出post回应自己未能申请红馆开骚，更表示自己是“申请红馆22次被拒”，除了更正入纸数字外，又指自己大方“都没有怒斥咩准则”，当然文尾不忘宣传自己新碟。

黄凯芹微博连出12个post回应“而我不知道”事件，按图重温。

资深歌手吕珊回应申请红馆开骚时表示：“其实都系经理人帮手申请，我就负责唱。不过我知道要早一年入纸申请，如果入纸成功，喺正式开骚嘅日子前两个月，红馆方面就联络俾几个日子我哋拣。”

珊姐又讲到要喺红馆开得成骚要“啱晒timing”：“经理人公司多数入纸会一次过拣几个月份，不过就算红馆畀档期你拣，如果撞正10月1日呢啲就紧系会推啦，所以真系要啱晒timing先得！”

另外，珊姐又提到自己喺另一个大型场地—文化中心开骚，不过都唔系咁易：“我自己都喺文化中心开过几次骚，但系用流行曲去入纸好难，有时都要‘执死鸡’，好似有人一次过book十场，但系佢放番几场出嚟先可以开到。”

黄凯芹近来极力宣传新碟，日前又推出新歌teaser，大家又想唔想喺红馆听佢唱歌？