邓丽欣邀梁仲恒做MV男主角 10度下拍落水戏︰本身话Stephy一齐落
邓丽欣（Stephy）最近推出新歌《不可得》，邀得好戏之人梁仲恒（阿炳）担任MV男主角。拍摄当日气温急降，阿炳于清晨五时冒着十度低温拍落水戏，笑言甘为Stephy拚命演出，获对方大赞专业。他在MV中有连场内心戏，情感爆发兼出动真眼泪，非常考演技。而同样是好戏之人的Stephy拍摄与刘皓岚（饰演阿炳童年）分离场口时更真情流露，泪流满面，演出细腻动人！
《不可得》MV从阿炳的梦境出发，讲述当人面对失去时的抉择，阿炳解释说：“故事中嘅男仔尝试喺梦中揾返心入面一直缺失嘅嘢，当失去亲人或者好重要嘅关系时要点面对？会治理好伤口定带住创伤走落去？”
MV其中一幕讲到阿炳在梦中遇溺，虽然拍摄清晨气温只有十度，不过阿炳笑言在水中挣扎加促血气运行，所以并没有想像般寒冷。每当他一上水，工作人员立即为他披上保暖毡保暖。阿炳搞笑表示︰“本身有少少想推，但因为导演Kendra话Stephy会同我一齐落水，我即刻拚咗条命出去，点知原来系骗局嚟。”Stephy鬼马回应说︰“嗱！唔关我事，我系唔知呢单嘢，我一早讲咗唔会落水。我心谂，阿炳咁好嘅，咁样落水都肯。”二人互望大笑后，Stephy感激说︰“你真系好好，好多谢你！”
MV另外一幕讲到阿炳梦见小时候与Stephy相处的美好时光，Stephy与饰演阿炳童年的刘皓岚一同吃饭，还亲手切苹果给对方，场面温馨。她随后带着行李离开，皓岚追到门前，二人对望相拥时，Stephy泪流满面难掩不舍之情，场面感人。阿炳呷醋表示︰“皓岚同Stephy有对手戏，但我冇，我就觉得唔公平嘅。”他忍不住大笑，续说︰“我以为有落水戏，最后直头连对手戏都冇，天大骗局。（Stephy：咁你而家系咪想走？）唔系！我见到你都开心。”
新歌《不可得》由赖映彤（小彤）作曲及监制、小克填词，Stephy表示今次的音乐班底堪称是天衣无缝的组合，全新曲风务求为歌迷带来惊喜。她说：“同小彤倾嘅时候，大家都好有共识向边个方向行，收到曲之后就即刻谂起小克，好想佢帮我填词。歌曲所讲嘅系我一直想讲，人成日追求好多嘢，但呢啲嘢到底系咪需要呢？当你失去时，又会谂系咪真系拥有过？我成日都会有呢啲矛盾嘅谂法，好钟意份词，唔会好讲道理，又贴合到大家嘅生活，成个配合系天衣无缝。”
将于3月举行首个红馆演唱会的Stephy亦有透露筹备情况，说：“心情都几复杂，最近要处理好多嘢，例如呢首歌，新鲜录好几日就嚟拍MV，仲有啲电影宣传。除咗呢啲，剩低嘅时间就一心一意准备演唱会。”阿炳问：“会唔会跳舞？”Stephy说：“点都要跳少少”，及后原地跳了一下，阿炳笑说：“睇得出有练㖞，非常期待！”