【一首歌】黄子华Talk得又唱得　《蓝天》“蓝蓝天空高挂我的梦”

“蓝蓝天空高挂我的梦 深海 潜入最深追逐确与众不同”

唔使多讲，又系一睇字就有声嘅歌，由黄子华主唱嘅《男亲女爱》主题曲——《蓝天》！

今晚主题系“演而优则唱”，又点可以唔提黄子华呢！好多人认识佢都系因为栋笃笑，简直系香港嘅“King of 栋笃笑”，难怪个个都叫佢做“子华神”！不过其实子华神最初真系做一个演员先，点知做极都系成绩平平，然后先开第一个栋笃笑《娱乐圈血泪史》。

点知呢个栋笃笑就令佢一炮而红，真系老套都要讲句“塞翁失马，焉知非福”呢！子华神之后除咗栋笃笑，亦有参与电视剧、舞台剧、电影。唯独电影偏偏票房唔太收得，但电视剧套套都有极好口碑。而且子华多数会唱埋电视剧主题曲，除咗《蓝天》，仲有《奸人坚》主题曲、《栋笃神探》主题曲《衰边个》等等。

唔讲咁多，去重温子华神嘅歌先！