【一首歌】陈慧琳《花花宇宙》K房必唱 “发挥你小宇宙”
撰文： 黄浩晋
出版：更新：
“细世界 会变花花世界/Oeo Oe Oe Oe O”
哗！一睇上面𠮶句歌词，咩都唔使讲，跟住唱埋落去先啦！你冇理由唔识嘅，陈慧琳嘅《花花宇宙》㖞！
《花花宇宙》一曲于2000年推出，相信唔少8、90后一定识、一定听过，而且仲会系一大班人唱K必歌头10位o添！
“更多更多渴求 会有更高报酬/更高更高享受 为甚么不追求”
“每天有新星球 发挥你小宇宙/趁火势加风头 有勇气请追求”
唱到副歌就紧系世界入唱位啦！而且首歌咁多“Oeo Oe Oe Oe O”位，就算觉得自己唱歌唔好听，喺K房唔敢开声嘅朋友都可以喺呢啲位合唱，咁就唔使成晚坐喺K房食鸡翼啦！不过话说回来，Kelly依家专心做潮妈，照顾“虾饺仔”同“小笼包”，唔知几时先可以喺香港听到Kelly演唱会呢？
虽然Kelly早几日喺facebook贴相话录新歌，不过就未知首歌叫咩名，净系知佢话好高难度。其实真系等咗好耐，好期待Kelly新歌同开Live！
唔讲咁多，依家即刻约班friend去K房唱《花花宇宙》先！