【一首歌】古天乐《今期流行》劲洗脑　“流行椎名林檎”

“今期流行　流行椎名林檎”呢一句相信大家都听过，就算唔识唱晒成首，都一定识唱呢句；唔少人仲可能因为首歌先认识椎名林檎，揾下揾下仲可能听埋东京事变呢队Band，《积木游戏》、《丸之内虐待狂》、《透明人间》、《闪光少女》等等，由椎名林檎、东京事变创作嘅歌曲都值得大家听听。

讲返转头，古天乐可以话系歌、影、视三栖发展都做得成功嘅艺人代表之一，演过《寻秦记》入面嘅项少龙、又拍过《绝世好Bra》、《绝世好B》、《宝贝计划》、《窃听风云》等等嘅电影，至今都冇停下演出嘅步伐，刚刚又有合家欢新戏《喵星人》上映，真系唔简单。

虽然可能有部份人记得佢讲国语麻麻地，歌艺麻麻地，不过点都好古天乐都系一个歌、影、视三栖发展都相当有成绩嘅艺人。