专访｜8岁歌手吴欣彤获伍乐城监制出歌：BB已经听《耿耿于怀》

现年只得八岁的歌手（Isabella）吴欣彤属于伯乐音乐学院的学员，她日前与院长兼歌曲监制身份的伍乐城接受《香港01》访问宣传首支单曲《每一句》，被问到立志成为歌手的原因，她表示：“我BB嘅时候我妈咪话俾我听，我𠮶阵时听紧伍乐城作曲《耿耿于怀》，妈咪一停咗首歌我就开始喊，当时我就钟意唱歌啦！”她坦言不明白歌词，不过十分热爱《耿耿于怀》的旋律。

从小开始热爱唱歌

Isabella在访问一开始简单介绍自己：“我今年八岁，我识唱歌、跳舞表演和画画，我最钟意系唱歌。”她分享热爱唱歌的原因：“其实有一个故仔，细个幼稚园嘅时候有个朋友误会我，讲啲唔好听嘅说话，咁我就好唔开心，行入洗手间𠮶度哼歌，之后发觉我心平静咗好多，我就觉得音乐可以治疗我嘅心情，所以我就钟意咗唱歌去学唱歌。”她继续指音乐可以为她带来力量，也希望能够同时给予力量听众。

伍乐城被问到如何发掘到Isabella，他分享：“佢嚟嘅时候应该系一年几之前，佢有参加我哋啲歌唱比赛，因为作为我哋嘅学生都好进取好想唱歌，除咗学业上都想喺音乐上有啲发展，呢样嘢好睇佢屋企人，佢嘅父母我哋都认识，好支持佢，俾佢有个空间。”他分享看到Isabella在学院与一众学员相处得非常融洽，并表示：“佢系其中一位我哋都会多少少去培育佢。”

提到Isabella有什么特质会特别吸引到注目和重视，他说：“其实佢系想做歌手，佢年纪始终都系八岁，唔单止佢而家嘅程度，估计佢以后会做得更好，个决心系比起同年纪嘅学生勤力，同埋都会同佢屋企人沟通去返学嘅情况。”他大赞Isabella不需要讲稿，与别人沟通倾谈相当自然。被问到会否希望Isabella参与乐坛颁奖典礼，他说：“首歌曲我哋都有派台，都想好似有正式歌手嘅身份去经历，颁奖典礼永远都系以平常心，我都系学啲前辈咁样讲。”

讲到歌曲制作部份，他说：“我哋会用返普通嘅流行曲去做，无论佢系咁细个又好，都会跟返公司嘅计划。”被问到Isabella推出新歌的感受，她表示：“我嘅心情系好兴奋，歌词写咗我好想做歌手嘅片段，首歌可以表达真正嘅自己，更加努力唱好一首歌keep住对音乐嘅热情。”讲到进入录音室面对的困难，她坦言：“唱嘅每一首歌都有好多位，每一个字都要咬得好清楚，不过我都见识咗好多。”

谈及在MV中有呈现跳舞的片段，伍乐城透露拍MV的时候也在现场，跳舞𠮶part其实原本冇预计到，原来佢都有上跳舞堂，知道佢有呢个才能，呢首歌系讲追寻梦想，唔包括净系喺台上唱歌，用一个动感活泼嘅一面嘅手法去拍摄，呢一首歌系中慢版嘅歌。”至于拍摄MV最难忘的地方，Isabella分享：“一开始我好钟意唱歌想唱歌嘅片段，呢样嘢好代表到我嘅心声。”

Isabella透露即将会组合成女团，并且推出跳唱歌曲。另外谈及有关学业与唱歌需要同时兼顾身份的转换，她坦言不会影响学业：“因为只要自己够钟意一件事我都会去做，去返学我就会认真返学，去唱歌我就会认真唱每一句。”讲到最欣赏的歌手，她表示：“张敬轩、林家谦和容祖儿。”她指希望将来有机会与张敬轩合作。

Credit：

化妆发型师 ：Candy Cheung

场地提供：伯乐音乐学院