麦贝夷靠内地节目翻身 玩直播吸金5位数：我31岁都想赚多啲钱！
“你我情如路半经过，深知道再爱痛苦必多…”听完呢两句相信大家都会记得系来自张智霖（Chilam）及许秋怡嘅经典合唱歌《现代爱情故事》，但大家又记唔记得几个星期前，香港歌手麦贝夷因为参加湖南卫视音乐节目《我想和你唱2》唱过呢首歌而获得唔少网民赏识呢？
【我想和你唱】麦贝夷“被安排”变素人：节目组唔畀提我系歌手！
近年香港有歌手陈伟霆到内地发展，由“而我不知道陈伟霆是谁”，到“人人都知陈伟霆是谁”。其实内地市场之大，对于香港artist来讲，真系可以为佢哋带来“翻身”嘅机会。好似香港歌手麦贝夷，之前如果唔系上过《我想和你唱2》，可能更加无人知佢系一个歌手。上完内地节目后嘅佢，果然大有不同，以往麦贝夷在内地直播平台开网上直播最多只有几万人收看，但自《我想和你唱2》播出后，直播收看人数由几万升至几十万，足足多了一个零。而且直播所收得嘅“送礼”由3位数上升至接近5位数。
“上完《我想和你唱2》之后，我个世界真系好唔同。以前直播最近只系有6万人睇，依家升至近90万，而且直播所收得嘅“送礼”由520个金币累积至9500个金币，虽然直播平台嘅金币唔系同人民币１对１计算，但系总好过520个金币。（怕唔怕俾人话你钟意揾人民币？）人民币都只系一种货币，我已经31岁人都想赚多啲钱，减少屋企人负担。”麦贝夷笑然。
麦贝夷除左微博或内地平台粉丝人数直线上升，香港嘅工作亦有所增多：“其实我好多谢一班嘅网友支持，节目出街后，喺Facebook有好多人肯去share条片，当时个Facebook真系洗咗版，令到我可以喺香港多人识咗，工作自然多咗。最近就多咗活动嘅邀请，同埋都有接唱歌嘅job，有时又会收到一啲KOL形式嘅工作，出一个product post就有收入，而内地方面，依家有一部网络电影接洽紧。”
挨到31岁终于有人认识嘅麦贝夷，虽然赚钱唔多，但佢似乎已经好感恩：“以前好多香港人唔识我个名，唔知我系一个歌手，最多只会讲我系唱《勾手指尾》𠮶个女仔，依家真系好唔同，喺香港会有人叫得出我个名，喺内地因为我上节目嘅时候著咗条红色嘅连身裙，所以网友会叫我做红衣姐姐或者系小麦姐，虽然有唔同嘅花名，但系只要大家记得我，我已经好满足。”