【一首歌】陈芳语《爱你》甜蜜洗脑 “就这样爱你爱你爱你”
撰文： 黄浩晋
出版：更新：
大家一见到《爱你》唔使咁惊！今次并非介绍“宇宙巨G.E.M.”嘅“儿姨夜衣野～以夜仪野～”（原曲：《A.I.N.Y. 爱你》），而系甜丝丝的Kimberley陈芳语名曲《爱你》。看看资料先发现，原来Kimberley呢首《爱你》己经推出5年，当时虽然系好洗脑，听到个脑系咁播“就这样爱你～爱你～爱你～随时都要一起”，但又不会觉得好反感。
事关只歌畀到人一种甜丝丝嘅感觉，无论系男或女听到都会有感觉。可以系女仔向男仔表达爱意，亦表达到对美好关系的一种憧憬；如果系男仔听到，净系幻想一下有个女仔咁钟意自己，经常挂住自己，都已经好冧。虽然可能系有啲痴身，不过换个角度睇都系一种幸福嚟㗎，好过一个人想吐苦水都冇人听吖！
Kimberley今年23岁，当时推出《爱你》都只系得18岁，实力强劲当然有原因！Kimberley14岁就签约韩国JYP、并到美国受训，15岁时已经到《超级星光大道》踢馆，的确大有来头。大家可以听埋佢唱live就会明白。
唔觉唔觉又口水多过浪花，好啦，唔阻大家听歌！