E-Kids旺角封路拍MV　手续烦搞足2个月：想直接同班大妈死过

昨日三十几度气温下，旺角街头仍然有人身穿长袖衫劲歌热舞，难道旺角街头不止是大妈的舞台，连非洲朋友也来凑热闹？望真一点，原来是人称“MK Pop始祖”的E-Kids三位成员在豉油街为新歌《一二三四》拍MV。

完成拍摄工作后，E-Kids三子接受访问时仍然不舍得脱下身上的长袖衫，问到他们为何这样坚持，成员Tommy打趣表示：“唔除啦！其实我哋除咗“衫”好多年，份份粮都要除三，亦有人同我哋讲要除三害，就系我哋呢三害，既然除咗咁多年，我哋决定今晚一定要著多啲。”

提起今次在旺角豉油街封路拍MV，三子纷纷表示过程繁复：“我哋同路政处搞咗两个几月。我哋最初要求在旺角封街，星期日，行人专用区，基本上我哋系希望直接同啲大妈死过。你哋都知啲大妈啦，梗系唔守规矩嘛，其实我都想同佢哋讲，大妈你哋都喺度唱咗咁耐，攰啦，返去训啦！俾几个钟头我哋呢啲后生仔出嚟跳吓得唔得呀？”当然要封行人专用区也不是这样容易的事，导演组便向他们提议：“不如我们正式向路政处申请，最后用两个多月时间才申请到今天拍摄，可说是风雨不能改。”

三子继续补充：“其实早几日不停打风落雨，我哋都好担心，昨日起床仍然是滂沱大雨，我一起身就忍唔住爆咗两个字出嚟。好彩今日天公造美，如果今日都落雨嘅话，我哋首歌就唔叫《一二三四》，就要改名做《濑X晒嘢》。如果真系继续落雨，就湿住都要继续拍。”原来MV正式落实拍摄前，公司曾与他们商量地点问题：“因为外界经常话我哋系MK Pop，公司就同我哋讲‘不如洗洗底啦，飞去其他地方拍啦。’我哋就觉得，香港人嘅观念，唔系你话洗就洗到，所以我哋决定去尽啲，一系唔拍，一拍就封咗条街嚟拍。都真系要多谢公司，用咗六位数字去制作，希望大家睇到我哋嘅诚意。”