【专访】张惠雅HotCha组军7年 赢人气冇收入：公司话歌手系咁
“Neway 签咁多人去搞演唱会同发行，我想读中医，唔想浪费公司时间，佢又唔想浪费资源，不如算啦！”
一段感情，要斩缆谈何容易，更何况是十年情。
摄影：黄国立
HotCha由出道起，一直深受年轻人喜爱，因为形象健康活泼，起码你话自己钟意hotcha，唔会畀人笑。三女每次演出其实都好认真，三个都好易相处，3位咁相处的女生，又有边个谂过，14年会宣布解散呢？Regen张惠雅更离开埋公司Neway，原来Regen终于要“面对现实”。
“咁多年最唔开心的事，到现在都冇畀过家用，我好唔开心，29岁，但呢一刻的状况仍要家人担心，好唔开心，但别人说做歌手会系咁，我唔钟意这句说话，我们是专业的，付出了许多时间精神，系值得有个价钱。”她又谓：“我真系好想照顾屋企，我老了，仲系咁样唔得的，但公司安慰说，做歌手是这样的了，慢慢来，可能突然间有呢，但我29岁要面对呢个现实。”
Regen坦言，Hotcha时期都储唔到钱。“我果时的收入低过文员，当时支出好多，17岁时只想唱好歌，忙到一朝早返工放工，唔需要洗钱，当时公司好照顾我们，食野﹑衫都会帮我们搞惦，但现在要自己处理。”做独立歌手之后，Regen要独自处理接Job问题，倾谈价钱都咪话唔尴尬，对她最困难，原来系处理文书。
虽然自己接Job收入比在旧公司时多，但没有新歌的歌手，基本上唔系咩歌手，她坦言：“想做新歌，要储钱做，希望可以中六合彩，好多时会谂，需要一间公司就是因为想出歌，我自己一个，应该要揾一间好肯做音乐的公司，呢一个仲谂紧的阶段，唔系好心急，但好随缘。”
“我好记得细个小学，对电视日跳夜跳，背日文歌词，小五小六玩比赛，去到现在，这个事业对我人生好重要。”
“我唔系要做明星”
Hotcha 三女虽然各有自己目标尚未达成，不过，笔者对于Regen的“事业高峰”十分好奇，到底Regen会唔会觉得hotcha是她的演艺事业最高峰？她想了一想，说：“我觉得系选择，Hotcha是一定最OK的，但我当时选择离开香港，已经选择了，现在都有问过自己，我选择咁平淡的生活，选择感受多些的生活。既然你已经选择了，野心已经放低，好随缘，就系咁。”
29+1的Regen，离开公司自己创事业，又系唔系佢最希望做的事吗？认真思考下，得出以下答案，她说：“我觉得依家系最舒服，但未必系最终选择，我个人好跳，有什么机会就做！”
对于30岁前的目标，非常明确。
“30岁前的目标？ 希望可以畀家用屋企啦！”
《心跳500天》Youtube播放超过100万，Regen开心之余又有点感慨：“HOTCHA 时间都冇100万，好可惜，如果HOTCHA 有YOUTUBE就好了。”