海外升学│赴英读预科今年考入心仪大学　留学生：公立学校更可取

集世界顶尖学府的英国学术氛围浓厚，向来是港人热门的升学选择。中六时决定到英国读预科的甄芷翘（Ashley），今年顺利入读心仪大学，却因为突如其来的疫情，成为当地历来首批未能经历高考的学生。回望几年来的留学生活，芷翘坦言最重要是尽力融入当地文化，并鼓励莘莘学子，只要勇敢踏出舒适区，将会有更宝贵的得著。
摄影：黄舒慧（部分相片由受访者提供）

曾到瑞士交流　首三星期以泪洗面

赴英留学前，芷翘在中五时曾参与AFS的国际文化交流活动，到瑞士交流一年。“当时一句德文都唔识，就过咗去，完全沟通唔到，喊足三个星期！”当时芷翘的寄宿家庭，也想尽方法推动芷翘适应，“佢哋开头同我讲英文，三星期之后就唔再讲，要我学德文。佢哋会用memo纸（便利贴），写低英文同德文字，帮我去学。”

芷翘分享，瑞士的交流经验让她明白，在外国读书或者生活，最快捷融入的方法，是多与当地人相处。“当身边所有人都系本地人，你就可以感受佢哋嘅文化，食佢哋嘅食物，唔再剩系自己匿埋煮公仔面。”留在瑞士短短一年时间，已为芷翘带来新想法。“去完瑞士，更觉得自己玩唔到香港个教育制度，要背个syllabus（课程范围）去考试，我钟意嘅嘢唔系咁。”因而她主动向家人提出，希望可出国继续升学，于是决定翌年到英国念预科。

制度自由　增加学习动力

海外读书最令芷翘著迷的，是学校的自由氛围。“不论系瑞士定英国，即使系中学，都系需要上堂先返学校，好似大学生活咁。”她坦言，起初在香港成绩属中上，惟到英国后，学习动机大增，成绩亦见进步。“A level只拣三科，我拣咗德文、地理、数学，系自己真正中意嘅嘢。拣德文都几大决心，只喺瑞士学咗一年，考咗个德文公开试，唔知老师认唔认可，点知老师望都冇望就话‘得架喇，你可以嚟’，系好free（自由），反而系睇你读头一个月，对呢科有几大兴趣。”

两年的预科生活，芷翘也积极备战高考，惟因应新冠肺炎疫情严峻，英国在3月中宣布，原订今年6月举行的高考将史无前例地取消。“听到消息之后真系喊咗出嚟！中间段时间好忐忑不安，觉得自己努力咗两年，冇得考试咁点算？”英国当局随即改为以预科时期的校内成绩作基准，评估出高考成绩，并于8月公布。“感恩呢两年都有俾心机去做校内测验，成绩同预期有少少唔同，但都ok啦，入到想入嘅大学。”

突显个人特色最重要

芷翘忆述，在念预科一年后，学生便要决定大学的选科取向。“要报UCAS，即系类似香港嘅JUPAS，只可报5个学系。学生需要提供三样嘢，一封personal statement（个人陈述）、predicted grade（预计成绩）同埋recommendation letter（推荐信）。”她续指，老师会因应校内表现，评估学生高考的预计成绩，学校并会撰写推荐信，记录老师对学生的评语。在UCAS提供文件后，大学便会向合适学生给予有条件取录（conditional offer）。

她认为，personal statement在收生程序中的重要性极高。“有啲科唔使面试，收唔收你就系取决你封personal statement。Personal statement冇特定要求，你钟意写乜都得。我当时挣扎咗好耐，起码改左十几廿份草稿，不断执。我谂如果作为教授，我希望见到学生系讲紧自己，点解咁想读呢科，个人经验好重要，点解人哋要拣我，唔拣其他人，要讲到呢样嘢。”

公立学校更可取　出国前要三思

英国的预料学校大致可分为public school（公立学校）、grammar school （文法学校）和private school（私立学校），芷翘建议，留学生不妨考虑公立学校。“我间学校系公立学校，有提供寄宿家庭，唔多留学生。根据学校网站，预料大约有五十几个国际学生，但全校有2000至3000人，比例上好少，学费亦相对平啲。我好推介其他人去公立学校，可以识到好多本地学生，好似我读𠮶3科，冇同任何一个国际学生同班。”

她坦言，过去数年在海外留学的日子，变得更为独立及更了解自己。她建议学生可勇敢踏出自己的舒适区。“呢个世界真系好大，起初会有难过嘅时候，会思乡，但都系个好难得嘅机会，识多啲唔同嘅人，建立嘅关系系一世嘅。”惟她提醒，下决定前亦需要三思。“心态上都要谂清楚，究竟自己一个人系咪可以自己生活到，见过有人好后悔自己嘅决定，伤心嘅都系父母，同埋亦要考虑屋企嘅经济能力。”

芷翘分享，在英国找工作也不是易事，但毕业后也不打算立即回港发展。“会先积极揾internship（实习），睇下会唔会有机会留低，暂时个计划都未必会返香港住，有谂过去其他国家，欧洲，或者新加坡，趁后生出去闯下。”

相关文章：BNO移民英国｜明年1月31日起接受居留申请　预计升学竞争大增

按图即睇BNO特别签证细节：