揸车先嚟电话响？！│Sci Papa
笔者平时一坐上的士，必先留意的，就系佢车头有几多部电话，因为电话愈多，作为乘客就更要打醒12分精神，因为每一部电话，每一次响机，每一个短讯都可以系交通意外的元凶！
【编按：作者为Sci Papa】
的士司机唔顾自身及乘客安全，都可以话系为咗揾食，值唔值得体谅都要再作讨论。之但系，如果父母揸车载住小朋友都用或甚至玩电话，咁你又点睇？
美国费城儿童医院，针对760个有4-10岁小孩的父母做咗一个调查，发现有大约五成父母，在过往三个月，系揸车接载小孩时有倾过电话，当中仲要有不少连"hands-free"都无用，一边揸车一边用手揸住个电话倾。而有三成父母就边揸车边睇或甚至传送短讯，更离谱系有一成多嘅父母竟然揸住车黎玩社交媒体！
老实讲，坐的士你叫个司机唔好用电话，真系仲惨过打烂佢嘅饭碗，但坐屋企人揸架车都希望可以安全至上！其实香港咁细，揸车点对点最多都唔使两个钟，又系咪真系要放个电话系车头用呢？尤其当你接载住一家大细，要打醒12分精神时，又点可以分神俾个电话呢？
揸车先黎电话响？其实电话响又有乜好怕㖞？过一两分钟，就会飞咗去留言㗎啦！
References:
https://www.jpeds.com/article/S0022-3476(18)30772-8/fulltext
https://www.td.gov.hk/filemanager/en/content_4909/f3.8.pdf
Sci Papa （专页：Scientific Papa）
喜欢科学，但更喜欢老婆跟女儿。觉得科研跟“凑女”都是要有极度的耐性，不怕失败，还要懂得自我反思后用不同方法再尝试！将育儿及科学融合，期望伴著女儿走一条快乐的成长路。
《香港01》App，浏览更多亲子资讯，立即下载： https://hk01.onelink.me/FraY/hk01app