【亲子共读】在职妈妈的共鸣《妈妈上班的时候会想我吗？》

【文章原刊于01撑场，欢迎下载香港01 app，与星级作者一同讨论喜爱话题。】

撰文：wagyubmami 和牛妈妈

分享一本在职妈妈超有共鸣嘅图书《妈妈上班的时候会想我吗？》，和牛B听过故事之后，佢就好钟意呢本书，每晚都会叫我又或者牛爸讲畀佢听。

呢本书系韩国作者金永镇嘅作品，睇完我真系好有共鸣、好感触、好感慨。

我感慨嘅系，故事入面嘅妈妈都好似我一样，会因为赶时间忽略咗和牛B嘅心情，令到和牛B唔开心之余，自己又会感到好内疚。每日都好想快啲做完工作，尽快放工返屋企见和牛B。

而故事入面嘅小女孩，亦因为妈妈唔了解自己心情而唔开心同时唔识得表达俾妈妈知，所以演变成扭计。

孩子一日一咁成长，系妈妈最大嘅满足。妈妈亦系孩子最大嘅支柱，而孩子与妈妈，系彼此相互支持嘅力量。

而呢本书绝对系在职爸妈最好嘅亲子共读图书，一来可让小朋友知道其实爸妈返工嘅时候，好似故事书入面嘅妈妈一样，会挂住小朋友，而作为父母就要多从小朋友角度去了解佢哋嘅心情。

香港公共图书馆都有得借㗎，大家可以去借阅或者买返屋企收藏。最后，因为和牛B实在太钟意呢本书，所以我哋都买咗一本返屋企啦。

【编按：文章标题为编辑所拟，原题为“【亲子共读】在职妈妈共鸣童书系列 - 《妈妈上班的时候会想我吗？》”】

（文章纯属作者意见，不代表香港01立场。）