不知道麦根莱是谁　为何情有独钟Nike复刻Mac Attack？｜买物专栏

【买物专栏】正所谓独购乐不如众购乐，《一物》最新连载栏目【买物】从四方八面请来时尚界台前幕后人物，分享近来入手好好物，让寻到心头好的购物乐趣传播开去。

【买物】今回本地鞋店HOAX买手James Tse，说说他为何爱上Nike Mac Attack OG。

“麦根莱个名虽然细细个就听过，但由于佢唔系属于我嘅年代，所以唔系点认识更加无留意过佢着咩鞋（笑）。老实讲对 Mac Attack 都系之前 SLN post出黎，见到点石成金嘅 Travis Scott 喺 E11EVN Miami 着左对反剔版先知有呢对鞋，Google 下先知佢背后嘅故事。到之后 Nike 揾 Travis Scott 拍住 John McEnroe 本尊以‘REBEL LIKE THE OG’为题拍左辑系列造型照，你就知所有野已经铺排好晒。再加上条对应返麦根莱年轻时嘅反叛性格同火爆行为嘅‘粗口’广告短片，如此踩界之举，对鞋唔爆都几难。”

“讲番对鞋，首先鞋盒系跟足元年 Vintage 设计已经好吸引，鞋盒上嘅格仔系呼应返鞋舌上面嘅格仔Pattern。虽然 Mac Attack 系对网球鞋，但外观上似中筒篮球鞋，所以衬法上同一般 Dunk 无分别。种种线索可以推断到 Nike 即将大搞呢个款，钟意嘅朋友可以继续留意吓。”

“机能波鞋当道，但自己钟情嘅都系 Low tech 波鞋𠮶种 old school 味，除左乏味嘅 Dunk之外，都见到 Nike 逐步开始生产返其他 Low Tech 鞋款，Mac Attack 之前已经有 Terminator 同埋刚刚同 Stussy crossover 嘅 Vandal。个人最希望佢出返嘅系 Vandal OG 银色，等我可以一圆细个错过咗嘅遗憾。”

Shopper Profile：James Tse，鞋店HOAX买手，最钟意将钱变成自己喜欢的样子。