【夸世代】李佳芯零死角唔怕低炒　keep fit唔使戒口：我乜都食

TVB台庆剧《夸世代》虽然收视不似如期，但带挈不少观众同网友讨论剧中演员，好似在剧中饰演Paris嘅李佳芯(Ali)，在各大讨论区都见到好多网友留言大赞Ali皮肤好好，完全系零死角。早前她亦有讲下自己的护肤心得，被网友誉为新一代“零死角女神”嘅Ali特别为《香港01》拍摄“角度的重要性”，由“高炒”到“低炒”都系咁靓，Ali都忍唔住话，“点解我无双下巴嘅！”真系恨死唔少女生！

Ali新剧《BB来了》造型高清靓图

今日Ali接受《香港01》时就透露自己嘅keep fit方法系行山，“唔一定要做带氧活动，因为我唔钟意行石屎路，我觉得𠮶啲教育径唔系山，我钟意行泥路𠮶啲，最经常行大屿山、大东山芒草同埋龙脊都会去，话唔定大家行山会见到我。”讲完呢句之后，搞到我即刻扚起心肝去行山呀！到底Ali有无肥过呢？答案系，“最肥个阵都系110磅，“我去到10几岁𠮶阵爸爸话我油浸都唔肥，去到后期自己血气差，开始有babyfat同水肿嘅问题。20岁𠮶阵开始块面好包同啲肉好‘抛’，𠮶阵细𠮶唔识去按摩排水，乜都饮乜都食咪由佢咯，唔会做任何嘢系去水肿。”

Ali强调当时系肿而唔系肥，“之后因为入左行要扮靓，开始会做运动同埋唔食咁多肥腻嘢，开始会帮自己按摩，都系入左行先识。”她表示一向饮食习惯都偏向清淡，“有时开工都会食饭盒，但都系拣清淡啲，反而食油腻嘢会肚痛。”唔怪得之Ali永远都keep住咁瘦喇，她认为不需要特别戒口，“我自己乜都食，最重要系适量，就算系对身体好𠮶食物过量都唔一定系好嘅。我自己有时都会食朱古力，但就系食黑朱古力，目的系可以提神同开心啲，因为你个人开心，消耗都会快啲同有影响。”

提到今日Ali出席新剧《BB来了》造型活动，出场时就顶住𠮶“假肚”，唔洗问都知她在剧中要饰演一位妈妈喇，她表示婆婆生了9名子女，所以自小都有一大班表弟表妹一齐长大，“因为佢地个个都有陆续生，所以系我生活入面都唔缺乏小朋友，我都有帮佢地换过尿片，当然唔系初生BB。”同男友陈炳铨感情好稳定嘅Ali就话，完全无谂过几时结婚生子，“因为暂时工作都排到好满，所以更加无谂过，细个当然会plan，但大个发觉好多嘢都无得计，所以随缘喇。”BTW，见到今日Ali嘅“大肚”look，都系𠮶剧组，依然系咁靓！