【七警案】阿雪开post讨论：身为香港人，真系想知道大家睇法

七警案有判决，好多人都有不同意见，麦明诗在facebook亦发表了对这件事的看法，不过政治议题从来都是艺人死穴，因为一讲，随时连之后工作机会都冇，但陀紧三个月BB的孙慧雪唔惊，昨日在facebook出post “大家对七警判决有何睇法？”其实标题相当中性，之后她亦第一个留言“我自己就觉得，先唔追究边个对错，只系睇到一个社会，警员同市民形成对立局面，对香港来讲，真系唔系一件好事，事件继续升温，对香港嘅未来真系好担心！”都系非常之有独立思考的见解，而阿雪大部份的粉丝亦相当支持偶像，觉得阿雪好勇敢，但亦有部份激进粉丝相当不满，更留言表示“跟进完呢个post会unfollow你，对阿雪你好失望呀！”虽然阿雪见到这位粉丝嬲猪，亦即刻氹番对方“唔好咁激动，大家都系著紧香港啫！你误会咗我意思！”但不知这位粉丝有没有息怒喇。亦有粉丝觉得阿雪这个topic太危险，不过阿雪就留言回复“身为香港人，真系想知道大家睇法！”

事后《香港01》再以WhatsApp访问阿雪，她觉得网民反应很正面，以后亦都会再讲社会民生议题，她说：“我自己喺电话嘅群组都会讨论，所以都想睇下我自己fan page嘅朋友睇法如何，开post之后啲朋友都叫我快啲删除，(但你唔删？)我好开心其实我page大部份人都好温和咁讨论，同发表意见，所以我唔舍得删，(但都有少少偏激留言，之后仲敢唔敢？） 其实我都见到都会有人好偏激，所以我明白呢啲话题真系好敏感，不过我日后如果有啲忍唔住想讲嘅嘢可能都会讲，但真系会避忌啲，其实今次我都讲得好避忌㗎！唔想俾人捉住你一两句就系咁批评，始终同自己朋友先会大胆好多咁发表。”

其实艺人都有权发表对时事的意见，如果令到他们惧怕发言，惊发表看法会影响前途，要检讨的应该是这个社会，而不是这个敢发声，敢发问的艺人。