张敬轩严选遮遮早餐头三位　“辐射鱼”榜上有名：佢有构图

澳门YouTuber加葱日前邀请张敬轩上《今日R.I.P》接受访问，轩公作为“早餐界KOL”，话题就当然离不开工人姐姐（遮遮）与她精心炮制的早餐。被问到最爱早餐头三位，轩公就严选印象最深刻的早餐包括杂锦面包篮、蒸粟米以及“辐射鱼”，他笑言遮遮的早餐是他的快乐泉源：“我又笑到Gap Gap声，大家又笑得咁开心。有时令到观众开心，其实就系咁简单。”

轩公提到最初十分欣赏遮遮煮的白粥，可惜却持续吃了一个月，疫情期间朝夕相对发觉她煮的𩠌菜非常单一：“我同佢讲今日想食多士，佢就由今日开始每日都系多士，同埋食晒樽果Jam为止。”随后轩公提出要求，例如像酒店一样的面包篮，翌日他非常期待以为有丰富早餐：“点知佢分别装开啲面包，仲有啲牛角包烘到黑咗。”

被问到最爱早餐Top3时，轩公就严选杂锦面包篮、蒸粟米及“辐射鱼”：“我哋两个啲沟通以为靠默契，好明显我同佢冇默契。好赶时间，佢整嘅嘢就最花时间食，有日同佢讲我赶时间，以为佢会包好畀我拎走。唔系啰，系一碟粟米砍开一嚿嚿，佢嘅概念系我已经帮你悭咗时间，起码唔系一支咁刨。‘辐射鱼’就鱼同菜放同一碟，佢有构图，条鱼好似喺水草度游，所以我叫佢做‘着草失败的鱼’。”

遮遮的早餐成为轩公快乐泉源外，亦为网民带来无限欢乐，不过遮遮的女儿亦看到相关帖文：“佢个女应该有Follow我，但打咗好多广东话可能睇唔晒，但佢可能知道我话紧佢（遮遮）。我有一晚返到屋企，佢问阿Sir你系咪唔满意我煮嘅嘢食，我话唔系，好满意，你唔好改。啲早餐我又笑到Gap Gap声，畀佢睇下大家又笑得咁开心。有时令到观众开心，其实就系咁简单。”轩公透露遮遮最近去了上家政班，更为他带来全新菜式担担面。

点撃重温“遮遮”的早餐日常：