张敬轩演唱会｜黎明惊喜现身再爆金句　向轩仔示爱：钟意咗你好耐

张敬轩《The Next 20》演唱会来到第八场，于今日（1/1）在红馆举行下午三点场。虽然演唱会在下午举行，仍无损大家睇骚气氛，加上于2022年第一日就请来天王黎明担任嘉宾，继七师傅后红馆再一次核爆！

介绍Leon出场之前，轩仔表示，有同事给了一个外界推测的嘉宾名单让自己看：“咁易估就唔好玩啦。以下呢个嘉宾，我每次见佢都有好fresh感觉。佢不断inspire成个香港乐坛，培育新人，做好多创新的东西。”然后现场响起《眼睛想旅行》的音乐，全场立即进入疯狂状态，欢呼四起。Leon随即戴著“Happy New Year”眼镜，升上台跟轩仔合唱，又唱又跳之后更把眼镜抛出去送给现场观众。

唱毕后，黎天王再爆金句：“依家夜晚晚充满浪漫气氛，但又系下午时间，个时辰重要系我出世个时辰！你点解咁识拣呢个时间开骚？”轩仔笑言是七师傅计出来的。Leon闻言：“新一年见到老黎，够晒老黎啦！仲要眼睛想旅行！希望大家快啲去到旅行啦。各位打工仔，就要更受尊重，加人工。”然后又好客气咁同轩仔再讲，“多谢你畀机会我合唱，之前我哋又合作咗首歌啦，点解要拣你，其实系我钟意咗你好耐。”观众大笑，Leon就反问：“咩？男人唔一定要钟意女人，可以钟意男人嘛。我哋首歌叫《Old Fashion》 ，证明老黎同你一齐玩就够Fashion！”