久天长地．专访︱杨淇谂过叠埋心水做保安员等退休：唔想做明星

由Wasabi原著小说《甚么天长怎样地久》改编，杨淇、白只和当奴（唐剑康）主演的舞台剧《久天长地》今晚（24/9）正式在香港演艺学院歌剧院首映。《久天长地》是一个穿越三世、涉及生离死别的爱情故事，一众角色在执着和放下之间纠结，戏味甚浓。故事结构宏大，加上阔别舞台足有三年时间，身为女主角的杨淇难免有一些紧张：“我演足三世，第一世因为意外离世，另一半就好唔甘心，想改变呢个结局，个故事就系由呢度开始。”杨淇又透露，今次的剧本加插了不少演员的想法，对她而言，既新鲜又困难：“佢唔系一个本身已经有晒架构，知道点样呈现嘅一个剧本，佢系一个由小说改编嘅剧本，你摆唔到咁厚嘅小说上舞台，所以大家都用咗个几月嘅时间修改个剧本，每个人都对自己角色加入自己想法。”
摄影：刘智源
化妆、发型︰JoJo Cheng

现年36岁的杨淇似乎是有一种“主角命”，她大部份的作品，都是领着“第一女主角”的头衔，但她却有意无意地拒绝这种命运。16岁入行，两年后便凭电影《魂魄唔齐》（2002）提名香港电影金像奖最佳新人奖，与张艾嘉签约后更拍摄了《20 30 40》（2004）和《盛夏光年》（2006）两套重头戏，路途比起不少圈中人顺遂，虽然之后失去了经理人的庇荫，陷入低潮期，但挨过这段时间后，工作又接踵而至，先在香港电视（HKTV）拍摄《导火新闻线》、《三面形医》，后于ViuTV参演《三一如三》，套套都是女主角，然而，Job接Job并非她理想的生活。

“当时系舞台剧接电视剧再接舞台剧咁，我好记得我系两边都做得唔好，你好努力完成两边嘅嘢，但系又好似能力不足咁，充满内疚感。有一次有位导演放我，我话‘多谢你’，佢话‘我要你都冇用啦，你攰到咁’，我就开始考量，系咪我日日排到密密麻麻就好呢，究竟系要番个质素好，定系我要做得死为止先叫好。（呢一行唔系做到死先最好？）大家恨做到死，但我发现我唔系咁，我唔能够评价其他人，我只能够话呢个模式唔适合我。（唔担心上唔到位、红唔到？）我想做一个演员咋，我唔系想做明星，我唔钟意日日出街好多对眼关注，演员好需要生活，演员生活𠮶时俾人关注，𠮶个就唔系生活嚟。”

也许是追求生活，也许是谋求固定收入，也许是缺乏安全感，杨淇后来选择了“外出”打工：“你知做演员都系好唔稳定，好被动，尤其是女演员开始年纪大，啲机会就会愈来愈少，因为市面上都多青春啲嘅戏，我又已经过咗果个年纪，演都系演老师角色，但老师角色又唔会多，有都未必到你，我就会觉得，不如用呢段时间充自己，塞满自己，或者系感受一下除咗演戏之外，自己仲对咩有兴趣。”

杨淇今年6月被爆到大学任职保安员，使不少观众、粉丝感到震惊，笑称自己的“炒散王”的她便指过去一段时间都做过不少演艺以外的工作，咖啡店楼面、蜡烛师、花店职员，以至餐厅工作：“我做过大集团旗下嘅餐厅，因为好好奇系点，正式返工之前仲要去公司上培训课程，又要去迎新日听佢公司嘅历史，了解各个部门系点，好有大开眼界嘅感觉。”

早前疫情严峻，食肆晚市生意大受影响，所以杨淇上年7月起便转行做大学保安员，要做啲乜？她说：“首先你要巡楼，巡完楼，学生上堂嘅剧院你要开门，每个岗位都唔同，要睇你个Area有几多个所谓嘅剧院，跟住上天台睇睇，有马路你就要管车，管完车，你又要理一啲工程嘢，咁你要知啲工程部门嘅人嚟做乜野，有咩坏有咩冧，有人晕低有人唔见野有人肚痛有人唔识路都关你事。（冇演艺工作接会一直做落去？）我而家都仲有合约喺身，我谂我会继续做落去，做到退休为止，做到70岁为止，而家36岁，我仲有34年可以做，几安心。（升职一路做上去？）佢哋真系有叫我升，咁我自己呢，‘唔好啦’，做好易，但系管人你要做多好多嘢，个责任感又要再大啲，唔系话唔得嘅，但唔系呢个时候。”

杨淇坦言有谂过放下一切专心做保安员，不过想像永远比起实行容易，执着和放下之间存在着无限可能：“就算系梦想、自己好钟意嘅嘢，都唔需要好执着啰，你唔会一世都冇得做，点解要只系睇眼前呢一刻，但同时间，放唔低都可以放唔低，继续唔好放低都冇问题，系咪好矛盾？我就系一个咁矛盾嘅人。”