方皓玟演唱会｜受观众热情打动破例Encore：最紧要畀大家美好回忆

一连四晚于红馆举行的《方皓玟 LOST n FOUND》演唱会，在昨晚（29/8）完满结束。小明完骚后接受《香港01》访问，谈到首个红馆骚延期超过一年后终于顺利举行，她坦言感到不舍：“疫情下我哋多咗时间彩排，个歌单我都好钟意，希望嚟睇嘅朋友都可以感受到呢份心意。最唔舍得嘅系呢队团队，因为大家日日见面、练习，慢慢培养到一种感情，希望之后开骚都可以用返呢个团队。”

小明又指今次演唱会迎来不少挑战，除了需要克服畏高外，也要学习跳当代舞，而整个团队中途决定更改主题，仿佛在同一时间筹备两个不同的演唱会。问到自己最喜欢的部份，她说唱《你是你本身的传奇》和《假使世界原来不像你预期》时最感动：“我觉得呢部份好有香港嘅气味，好似共度咗一段时间之后大家互相认识，大家有共同嘅回忆，亦都系互相支持，所以整个气氛都好温暖。虽然冇特别嘅舞蹈，但系呢部份嘅感动就系嚟自己大家有共同嘅感受。”

过去小明唱完最后一首歌后就不会再上台，不过最后两晚就被观众打动，于是回到舞台Encore。小明直言是受到观众热烈反应打动，决定加码献唱报答歌迷：“佢哋由头享受到尾，呢个就系我哋最想做到嘅嘢，所以畀佢哋chok到Encore，哈哈。我觉得开心最紧要，最紧要系留低一个美好嘅回忆畀大家，今次我就有啦，希望大家都有同样嘅感受。”

四晚演唱会的嘉宾阵容鼎盛，除了师妹章尾而外，更先后邀得RubberBand和林家谦献声。不过小明却不希望以“嘉宾”来形容他们：“佢哋系呢个rundown嘅一部份，因为四晚都系有佢哋表演，都系同一个演出。我觉得同vibe嘅人会聚埋一齐，好多嘢都不言而喻，明白对方，会互撑，好开心有佢哋一齐经历同见证呢个咁重要嘅时刻。”至于如何报答他们，小明称会请他们吃饭，又指当对方遇到奇难杂症时会义不容辞地帮忙。

说到完骚后第一件最想做的事，小明直言回家后马上睡觉：“原来做一场演唱会同做运动员冇乜分别，因为消耗嘅体能好多，所以会想即刻瞓一觉，自然醒，咁就非常正啦。”她透露稍后将会重投音乐创作，除了加快步伐制作新歌外，也筹备推出一张黑胶专辑。

点击睇更多尾场靓相：