王浩信角逐《劲歌》最受欢迎男歌手　盘点经典合唱歌总有一首听过

出炉视帝王浩信，再次凭文申侠呢个角色于《万千星辉颁奖典礼2020》夺得最佳男主角，近年佢演出多套剧集都令人印象深刻，但其实大家又记唔记得，佢2005年系以歌手身份入行。当年Neway Star旗下，约满后加入无线（TVB）转型做演员，2008年拍摄第一套电视剧《野蛮奶奶大战戈师奶》。

劲歌金曲颁奖礼︱首度入围最受欢迎男歌星　王浩信恶斗胡鸿钧？

虽然当年只推出2只个人大碟，但都有几首歌曲为人熟悉，特别系合唱歌﹗好似首张大碟中，同梁晴晴合唱嘅《爱与被爱》，一直系K场热播之选；另外同方皓玟《拖字阙》更系唔少歌唱比赛热门歌。至近年喺TVB唱嘅剧集歌之中，同菊梓乔嘅《欲言而止》，官方MV喺Youtube播放次数达729万次！喺当年《劲歌金曲颁奖典礼》中夺得合唱歌曲奖，传唱度十分高。