新晋身材澎湃女星曾被两次性骚扰　直接被摸身体：佢系蓄意嘅

前华姐冠军余思霆、波波（黄靖灵）、邓凯文等齐齐出席，在今（29日）举行的《万众同心公益金》记招活动。在接受《香港01》访问时，提到早前在机场被性骚扰一事，她就表示至今仍未收到有关航空公司方面消息，事件似乎己不了了之。

为了《万众同心公益金》活动，余思霆、波波同邓凯文就一起组队去沙头角拍外景，与众多位公益金总理共玩游戏，出力支持慈善活动。但提到6月1晚直播节目中有否表演时，她们均表示目前没有收到通知。

而提到余思霆日前撰写千字文在机场被性骚扰，并向有关航空公司投诉进度如何时，她就表示：“冇收到任何消息，（所以就不了了之？）系呀！不过我自己其实讲出嚟嘅目的系唔想摆喺心入面，唔想委屈自己，所以我讲出嚟已经舒服好多。（人生第一次遇到呢啲事？）唔系第一次，肢体都试过，可能𠮶阵时细个就唔识谂咁多，依家大个咗啦就会觉得点解要受咁样嘅委屈。因为第一次遇到当下你系唔知点样反应嘅，如果下次再遇到当下就会讲出嚟。”

而在旁的波波亦自爆曾被性骚扰：“实体上我都有试过，因为有一次搭公众交通工具，我见到佢𠮶个镜系反咗佢Zoom我只脚，我𠮶阵着住黑丝（丝袜），跟住之后我就睇到，但我反应唔切，就即刻跑咗落车，所以我都觉得有啲后悔。如果俾我下一次见到，我一定捉住佢，起码同我讲声对唔住都要啰。（入行前还是入行后？）入紧行。”除了上述被性骚扰之外，波波还透露曾被直线攻击摸手摸脚：“我就同佢讲比3秒你，好讲对唔住，我已经好忍住唔嬲，佢系蓄意嘅，（对方讲咗对唔住之后你原谅佢？）佢都冇讲，之后扮唔知走咗，（有冇报警？）有嘅，后尾有follow返嘅。”最后双方达成共识才解决这件事。