【幕后玩家】龚嘉欣遇小三爆喊 亲身经历特别投入：全部真眼泪
韩剧《南海传说》有全智贤、李敏镐主演，气势如虹，但想不到昨晚令网友洗版的是《幕后玩家》的龚嘉欣，她连续三场喊戏被网友激赞，好多网友都赞她有演技，甚至有女观众自称“喊住睇”，男网友话睇得心噏。
剧中老公有小三，想不到现实中的龚嘉欣亦有类似经历，她接受《香港01》电话访问时说：“过咗嘅事就唔好提，经一事就长一智，遇到呢啲经历未必唔好，遇到呢啲嘢你会先明白自己想要咩？可能系好事，畀一个经历自己，早啲知好过迟啲知。解决唔到嘅时候先知就仲衰。我身经百战㗎喇。”但是那位贱男令嘉欣BB受伤呢？嘉欣BB就唔想多讲啦!
龚嘉欣原来受过小三折磨，但早前反而被指卷入坤哥同王卓淇的恋情，虽然事后坤哥力撑龚嘉欣为人，但她表示都有为这事不开心，她说：“唔开心一定有，我系一个女仔，将来我都要有家庭，要结婚，我都要谂将来嘅另一半点睇我呢？我以前觉得自己无做过就得，原来唔系㗎，我屋企人都要受到啲闲言闲语，佢哋唔系娱乐圈嘅人，唔应该受呢啲嘢困扰。”
【幕后玩家．剧透】黄宗泽利欲薰心害死陆永 抢人妻黄翠如正人渣
龚嘉欣一连两晚令网友喊爆，演技受到肯定，原来每逢拍摄这些喊戏前，她都要闭关，她说：“我全部真眼泪㗎，唔用眼药水，我拍摄前都常会匿埋一阵，唔同人倾偈，我要好集中，譬如寻晚同Bosco𠮶场戏，我拍之前就匿埋喺厂，带住耳筒，谂返剧中同Bosco嘅所有开心事，照读对白就已经好有感觉，之后埋位1 take过就可以，同阿聪𠮶场我就匿埋喺海边，我roll机前已经喊到收唔到声，喊到讲唔到对白。阿聪同Bosco系好对手，拍完都会鼓励下我。”
龚嘉欣今次演技得到肯定，但当初这个角色的第一人选原来是姚子羚，她说：“拍呢套剧系临危受命，我突然先知要拍，我其实冇时间做功课，挨得一场得一场，虽然呢啲所谓执二滩，我冇所谓，因为呢个角色我好钟意，我唔会理我系第几人选，总之叫到我做，我就搏老命做好佢。”